ÍSF hevur gjørt samstarvsavtalu við Dansk Idrætforbund viðv. Venjari-1 útbúgvingini, sum ÍSF bjóðar út.

Í fyrsta umfarið verður bert “Venjari-1” útbúgvingin boðin út, men arbeitt verður fram í móti, at “Venjari-2” eisini verður boðin út komandi ár.

Tað nýggja í hesi útbúgvingini er serliga tað, at hon er deild í tveir partar.

  • Fyrsti partur er E-læring har luttakarin skal í gjøgnum 5 ymisk modul, harav tey 4 eru kravd, meðan tað síðsta er valfrítt. Luttakarin skal væntað at brúka millum 5-8 tímar uppá hendan partin.
  • Seinni partur er ein skeiðsdagur á 9 undirvísingartímar, har skeiðsluttakarin møtir til gjøgnum gongd av tilfarinum. Her er talan bæði um teori og praksis

Málbólkur og úrtøka:

Venjari-1 skeiðið er vælegnað til tín, sum ynskir at førleikamenna teg sum venjari. Tú kanst vera íðkari, foreldur ella virkandi venjari, sum vil gerast ein enn betri. Tú skal verða fyltur/fylt 15 ár fyri at luttaka á skeiðnum.

Við venjara-1 útbúgvingini fært tú grundleggjandi vitan um m.a venjaraleiklutin, fysiska venjing, ítrótt fyri børn og ung og um ítróttaskaðar. Tú verður før/ur fyri at verða venjari hjá liðum og einstaklingum á byrjunarstigi og hjá sindur royndum leikarum/íðkarum.

Hetta merkir at tú:

  • fært amboð til at skapa eitt motiverandi venjingarumhvørvið
  • skilir munin á, hvussu børn og vaksin mennast í venjingini
  • lærir at samskifta við ymsar áhugabólkar (íðkarar, foreldur, venjarar og leiðarar)
  • megnar at fyrihalda teg til egnan leiklut sum venjari og at fyrihalda teg til ein serstakan málbólk
  • dugir at reflektera yvir, hvat tú dugir í dag, og hvat tú ikki dugir.

Haraftrat kanst tú við tí valfríu e-læringini fáa førleikar innan hesi økir:

  • Skaðar
  • Orkuskipanir í vøddunum
  • Kropp og trivnað hjá teimum ungu
  • Etingarólag
  • Gentur, sum íðka 
  • Íðkarar, sum bera brek ella hava serligan tørv.

Venjari-1 skeiðið er vælegnað til tín, sum ynskir at førleikamenna teg sum venjari. Tú kanst vera íðkari, foreldur ella virkandi venjari, sum vil gerast ein enn betri. Tú skal verða fyltur/fylt 15 ár fyri at luttaka á skeiðnum.

Tíðarætlan: Skeiðið er bygt upp av tveimum pørtum: 

Partur 1: Byrjar 3 vikur áðrenn valda skeiðsdagin

  • fýra kravd e-læringsmodul umframt í minsta lagið eitt valfrítt e-læringsskeið. (tú skalt vænta at brúka millum 5-8 tímar tilsaman uppá hesi)

Partur 2: Ein skeiðsdagur á 9 undirvísingartímar (á 45 min). 

  • Innihaldið verður teoretisk framløga, viðkomandi kjak um ítrótt, og ymiskar uppgávur og praktiskar venjingar í fimleikahøll. 

Tað er krav at tú hevur gjøgnumført allan e-læringspartin, áðrenn tú kanst luttaka á skeiðsdegnum.

Skeiðsdagar 2026

Kostnaður:

Kostnaðurin er 495,00 kr pr luttakara írokna miðmála.