Fríggjadagin 6. mars kl 18-21 og leygardagin 7. mars kl 9-17 verður aftur skipað fyri skeiði fyri venjarum hjá børnum og ungum.

Fyrr í vetur hava vit skipað fyri trimum skeiðum fyri leiðarum hjá børnum og ungum og hava hesi verið sera væl móttikin. Fleiri luttakarar sum hava verið á skeiði, bíða spentir til næsta skeið verður seinni í vár.

Á skeiðinum er pláss fyri 24 luttakarum, og enn eru pláss eftir til skeiðið. 

Evni:

–       ítróttarpædagogikkur

–       Ítróttarumhvørvi

–       Menning hjá børnum

–       Venjing

–       Trygd og ábyrgd

–       Etikkur og moralur

 

Skeiðið skiftir ímillum at vera teoretiskt og praktiskt, Leygardagin verður venjing í Badmintonhøllini.

Ongin próvtøka er, men kravt verður at uppmøtingin er 100%. Eftir lokið skeið fært tú eitt luttøkubræv.

Málbólkur: Venjarar, hjálparfólk og leiðarar hjá børnum og ungum. Øll sum hava áhuga í og ábyrgd av børnum og ungum, sum luttaka í ítrótti.

Skeiðið er ein partur av venjaraútbúgvingini hjá Danska Ítróttasambandinum.

Hvat fært tú burturúr:

–       Vitan um menningina hjá børnum, fysiskt, psykiskt og samfelagsligt

–       Tú blívur vitugur við evni sum námsfrøði, venjaratypir, málsetan og týdningin av ítróttarumhvørvi

–       Ítøkilig hugskot til spøl og venjing hjá børnum og ungum

 

Upptøkutreytir: Luttakari skal vera 15 ár ella eldri. Tó kunnu vit gera frávik frá regluni um upptøku, um serstøk viðurskifti tala fyri hesum.

Luttøkugjald: Kostnaðurin fyri skeiði er 250 kr. Íroknað er frálærutilfar og matur.

Meiri fæst at vita frá ÍSF skrivstovuni tlf.: 312606 ella frá Ninnu á telduposti nro@isf.fo ella á tlf.: 212933.Gott um tit finna luttakarar til skeiðið, so hetta verður líka væleydnað sum undanfarin skeið.