Føroyska dopingeftirlitið tók tilsamans 41 royndir av føroyskum ítróttafólkum í 2005. Allar royndirnar vóru negativar.

Tilsamans vóru 33 royndir tiknar undir venjingum og 8 undir kappingum. 29 menn og 12 kvinnur vóru kannaði.

22 royndir vóru innan fótbólt, 6 innan hondbólt, 4 innan róður, 2 innan frælsan ítrótt, súkkling, flogbólt og skjóting og 1 roynd varð tikin av bogaskjútta.

Royndirnar vóru gjørdar í trimum umførum og í tí eina umfarinum vóru royndirnar konsentreraðar til oyggjaleikaluttakarar.